Илемлĕ,
илемлĕ чăваш тĕрри,
Илемлĕ
чăваш тĕрри те тĕрлеме пĕлсен кăна.
Тӑван
халӑха ҫутта кӑлараканӗ И.Я.Яковлев пирӗн ҫӗр пин сӑмах, ҫӗр пин юрӑ, ҫӗр пин
тӗрӗ пур тенӗ. Ӑҫтан тупӑннӑ-ши несӗлсен ҫавӑн чухлӗ пуянлӑх? Тӗпчевҫӗсем
палӑртнӑ тӑрӑх, ку халӑх хӑйӗн йӑли-йĕркине ҫирӗппӗн пӑхӑнса упранинчен килнӗ.
Тӗрӗ вӑл – чӑвашсен чи авалхи искусствисенчен пӗри. Чӑваш тӗррин илемӗ такам
чунне те канӑҫтарма пултарать, куҫа илӗртет.
Чӳк уйăхĕн 26-мĕшĕ – Чăваш Республикин пуҫлăхĕн Указĕ тăрăх – чăваш тĕрри кунĕ. Çак куна халалласа Г.Н.Волков ячĕлле Аслă Елчĕкри вăтам шкулта «Чăваш тĕрри – халăх мерченĕ» курав йĕркелерĕҫ.. Кунта чăваш тĕрри çинчен çырнă кĕнекесемпе паллашма, мастерсен урокĕсенче те пулса курма май пулчӗ. Вулавăҫ ертӳҫи Л.Г.Адюкова чăваш тĕрри-эрешĕ илемлĕ кăна мар, калама çук пуян пулнине 8-мĕш класра вĕренекенсемпе мастер-класс ирттерчĕ. Ачасем хавхалансах ертӳҫипе пĕрле талисман тата чăваш пикине турĕҫ. Вĕсем ҫинчи кашни геометри орнаменчĕ тата тĕссен пĕлтерĕше ҫинчен тепĕр хут аса илчĕҫ тата чăваш тĕррин историйĕпе тĕпленрех паллашрĕҫ. Мастер-класс пĕтем ача кăмăлне ҫĕклерĕ.
