Ҫеҫпӗл Мишши ҫуралнӑранпа 125 ҫул ҫитнине Тӑван ҫӗршывӑн тӗрлӗ кӗтесӗнче паллӑ турӗҫ. Мускав хулинчи чӑваш культурин пӗрлӗхӗ иккӗмӗш хут Раҫҫей шайӗнче “Ялан янӑра, чӑваш чӗлхи!” сӑвӑ конкурсӗ ирттерчӗ. Унта 7 ҫултан пуҫласа 83 ҫула ҫитнӗ маттур ачасемпе аслӑ ҫынсем хутшӑнчӗҫ. Пурин те Ҫеҫпӗл Мишшин “Хурҫӑ шанчӑк” сӑвва вырӑсла е чӑвашла вӗренмелле пулнӑ. Асӑннӑ конкурса Тутар, Пушкӑрт, Чӑваш Республики, Самара, Мускав, Кострома, Саратов, Ульяновск облаҫӗсенчи хастарсем хутшӑннӑ. Г.Н.Волков ячӗллӗ Аслӑ Елчӗкри пӗтӗмӗшле пӗлӳ паракан вӑтам шкулти 9-мӗш класра вӗренекен Тимур Амасев та ҫак конкурса хутшӑнчӗ.