Паян, нарăс уйăхěн 19-мěшěнче Г.Н.Волков ячěллě  вăтам шкулта тăван чěлхе кунне халалласа Семен Ефимович Печковпа тěл пулу иртрě. Семен Печков ачасене хăй çырнă «Тăрнашури. Пěчěк ялěн кěске ěмěрě», «Елчěк тăрăхěн юрри-сăввипе такмакěсем тата авторăн», «Пурнăç ялан малалла» кěнекесемпе паллаштарчě. Вăл 1942 çулхи январěн 8-мěшěнче, Аслă аттелěх вăрçи пынă вăхăтра çуралнă. Ачалăх кунěсем паян кун та унăн чěринче упранаççě. Кěнекěри кашни пулăм унăн кун-çулне çутатса парать. Ачасемшěн çак кěнекесенче пěлмелли тата илмелли питě нумай.

Çавăнпа та автор шкулти вулавăша хăйěн  кěнекисене парнелерě.

Эпир автора чěререн тав сăмахě калатпăр, вăрăм ěмěр сунатпăр.