«Юрӑ – чун уҫҫи», - тесе палӑртаҫҫӗ халӑхра. Чӑн та, чунра пысӑк хурлӑх чухне юрласа яратӑн та пӗр-ик ҫавра, чун уҫӑлса каять, инкек-синкекпе кӗрешме вӑй тупӑнать. Ҫавӑнпа та, чӑвашсем савӑннӑ-и, хурланнӑ-и, ӗҫленӗ-и хӑйсене яланах юрӑ юрласа йӑпатма пӗлнӗ.

Пурнăç юрă-кĕвĕсĕр пулма пултарасса никам та ĕненмест. Юрă-кĕвĕ мĕнле тата хăçан пулса кайнă-ши? Ҫак юрӑ-кӗвве мӗнле кӑларӑҫҫӗ-ши?  Ҫак ытусем тавра пулчӗ те тунтикунхи пӗлтерӗшли ҫинчен калаҫар проект теми.

    Г.Н.Волков ячӗллӗ Аслӑ Елчӗкри пӗтӗмӗшле пӗлÿ паракан вӑтам шкулти 7-мӗш класра вӗренекенсем В.Адюков, Н.Фомиряковӑн пултарулӑхӗсемпе паллашрӗҫ. Ачасем  ӗлӗкхи юрӑ-кĕвӗ хатӗрӗсене куçпа курса тата хӑйсемех выляса пӑхма пултарнишӗн питӗ савӑнчӗҫ.