Юпа 9-мĕшĕнче Пĕтĕм Раççейри Вулав куне паллӑ тӑваҫҫĕ. Г.Н.Волков ячӗллӗ Аслӑ Елчӗкри пӗтӗмӗшле пӗлÿ паракан вӑтам шкулти вулавӑша ҫÿрекен хастарсем те «Саспа вуламалли кун» ятпа иртекен республикăри акцие хутшăнчӗҫ.

Асӑннӑ мероприятие вулавӑш ертÿҫи Любовь Адюкова уяв историйĕпе паллаштарнинчен пуҫларӗ. Саспа вуланин пĕлтерĕшĕ çинчен те ачасене нумай вӗрентсе каларӗ. Саспа вулани шухăша лайăхрах палăртма, сăмахсен саппасне ÿстерме, илемлĕрех вулама вĕренме май парать-ҫке.

Кĕр кунĕсем тĕлĕнмелле юмах пекех. Вĕсемпе пурте хăйне май хавхаланаççĕ тейӗн. Поэтсем кĕркуннене хитре йĕркесем парнелеççĕ, ÿнерçĕсем ÿкерчĕксем маçтăрлаççĕ, композиторсем вара юрăсем хываççĕ. Эпир вара вулавӑша пуҫтарӑннӑ ачасемпе хамӑр ентеш Елен Нарпи ҫырнӑ «Юрлакан пукане» калавӗпе паллашрӑмӑр. Калаври геройсен йӑнӑшӗсене те тишкертӗмӗр. Ҫавӑн пекех «Тантӑш» хаҫатӑн ҫӗнӗ номерӗнчи тата «Тетте» журналти сӑвӑ-калавӗсене пурте пӗрле хытӑ сасӑпа вуласа паллашрӑмӑр.Мероприяти еплерех иртние ҫкӑнта кӗрсе курма пултаратӑр.

https://www.youtube.com/watch?v=tMXJJdH30DQ