Ватӑ ҫынсене хисеплесси, вӗсене кулленех пулӑшса пырасси, ҫепӗҫ сӑмах каласа кӑмӑлӗсене ҫӗклесси ачисен, мӑнукӗсен тӳрӗ тивӗҫӗ. Ҫакна мӗн пӗчӗкренех ӑнланса ҫитӗнеҫҫӗ Г.Н.Волков ячӗллӗ  Аслӑ Елчӗкри пӗтӗмӗшле пӗлÿ паракан вӑтам шкулти 6-мӗш класра вӗренекенсем. Хисеплӗ те сумлӑ, аслӑ ҫулсенчи юратнӑ тӑванӗсене мӑнукӗсен ӑшӑ саламӗ телей саманчӗ парнелессе шанса кашни ачах уяв открытки ӑсталарӗ. Хатӗр открыткӑпа тата салам сӑмахӗсемпе вӗсем  пурне те савӑнтарма  пултарчӗҫ.