Авӑн уйӑхӗн 29-мӗшӗнче Г.Н.Волков ячӗллӗ Аслӑ Елчӗкри пӗтӗмӗшле пӗлÿ паракан вӑтам шкулти  6-мӗш класра вӗренекен ачасен ашшӗ-амӑшӗн пухӑвӗ пулса иртрӗ. Ӑна класс  ертÿҫи Любовь Германовна  Адюкова ертсе пычӗ. Кӑшӑллӑ вирус чирӗ малалла та алхаснине пула  пухӑва  ZOOM хушӑм урлӑ  ирттерме тиврӗ. Палӑртнӑ вӑхӑтра 6-мӗш класра вӗренекен кашни ачан амӑшӗ ҫыхӑнӑва ҫӑмӑллӑнах тухма пултарчӗ. Ҫак хушӑм урлӑ пуху ирттернин лайӑх енӗ те пур. Видеосӑнав урлӑ ачан вӗренӗвӗ еплех пынине  ҫемьери кашни ҫынах сӑнаса итлеме пултарать-ҫке.

Пухура сÿтсе явмалли ыйту-хурав чылай пулчӗ.  Ҫивӗч  ыйтусенчен пӗри, кӑшӑллӑ вирус инфекциӗн хӑрушлӑхӗ пирки  пулчӗ. Ҫавӑн пекех «Сетевой город. Образование», «Навигатор» хушӑмсем урлӑ ачасен вӗренӗвне сӑнаса тӑрасси пирки те калаҫу ҫивӗч пулчӗ.  Пӗр пуҫтарӑннӑ чух  кулленех тӗл пулакан тӗрлӗ ыйтусем те хускатрӗҫ ачасен амӑшӗсем. Пӗр-пӗрне ырӑ сӗнÿ, канаш панӑ хыҫҫӑн ашшӗ-амӑшӗсем  ачан вӗренӗвӗпе малашне те кӑсӑкланса вӗсене пулӑшса пырасине пӗлтерчӗҫ.