2021 –мӗш ҫул Чӑваш Енре  Сӑр тата Хусан хÿтӗлев чиккине тӑвакансен ӗҫ паттӑрлӑхне халалланӑ Ҫул пулӗ. Ҫак сумлӑ та паллӑ ҫула халалласа «Чӑвашкино» студийӗпе электронлӑ документсен патшалӑх архивӗ Сӑр тата Хусан хÿтӗлев чиккине тӑвакансен паттӑрлӑхӗ ҫинчен документаллӑ фильм ÿкерме пуҫланӑ. Ҫав вӑхӑтри чӑн пурнӑҫа кӑтартса парас тӗллевпе Етӗрне районӗнчи Ачак ялне суйласа илнӗ.

    Елчӗк районӗнчи Г.Н.Волков ячӗллӗ Аслӑ Елчӗкри пӗтӗмӗшле пӗлÿ паракан вӑтам шкулти  Любовь Германовна Адюкова вӗрентекен те съёмкӑри  йӗркелÿ ӗҫӗсенче тата массовкӑра хутшӑнса фильма илем кӗртме пулӑшрӗ.

     Чӑваш драма театрӗн паллӑ артисчӗсем Нина Яковлева, Оксана Дергунова, Эмилия Назарова, Сергей Павлов, Евгений Урдюков, Любовь Васильева тата ыттисем те ҫак фильма ӑста та ӗнентерÿллӗ выляма пултарчӗҫ. Фильм премьери сенкер экан ҫине тухасса кӗтмелли анчах юлчӗ.