Чăваш  Республикин  вěренÿ  институчěн  этнокультура  вěренěвěн  кафедри «Чăваш ачи чăвашах»  республика  шайěнчи  IV фестиваль  ирттерчě. Фестиваль  тěллевě - Чăваш  Республикин  шкулěсенче  тăван  чěлхепе  культурăна  аталантарасси.

 Фестиваль  ăмăртăвěсем  икě  номинаципе  иртрěç. «Савăнатăп эп чăваш пулнишěн»  тата  «Вěренетпěр чăвашла».Ачасем  тěрěс  те илемлě  калаçни, хăйсене сцена çинче  тивěçлě тытни, хаваслă  çаврăнăçуллă пулни,  чăваш  йăли- йěркине  кăтартса  парас  ěçе  кăмăлпа  хутшăнни  жюри  членěсене  чунтан  савăнтарчě.  «Савăнатăп  эп  чăваш  пулнишěн»  номинаципе  ирттернě  конкурсра   Г.Н.Волков  ячěллě  Аслă  Елчěкри  пěтěмěшле  пěлÿ паракан вăтам шкулта  6-мěш класра вěренекенсем  тупăшăва  хутшăнса  çěнтерÿçěсем пулса тăчěç. Малашне те ăнăçу  сунатпăр  вěсене.