Хӑнара «Ҫӑлтӑрчӑксем»
Чӑваш Ен наци телекуравĕн эфирĕнче уйăхсерен «Ҫӑлтӑрчӑксем» кӑларӑм тухса тăрать. Вăл республикӑн тĕрлĕ кĕтесĕнчи шкул ачисен ӗҫӗ-хӗлне çутатать, мал ĕмĕтлĕ те пултаруллă вĕренекенсемпе паллаштарать. Хальхинче кăларăма хатĕрлесе пыракан пултарулăх ушкӑнĕ Елчĕк районĕнчи Г.Н.Волков ячӗллӗ Аслӑ Елчӗкри пӗтӗмӗшле пӗлÿ паракан вӑтам шкула ҫитрӗ. Вĕсем ҫак шкулти 5-мӗш класс ачисен «Пукане театрĕ" кружок еплерех аталанса пынипе кăсăкланчĕç, çамрăк артистсен шухӑш-кӑмӑлĕпе паллашрӗҫ. Ачасем хӑнасене Г.Кириллов ҫырнӑ «Йытӑпа Сунарҫӑ» юмаха кӑтартрӗҫ.
«Ҫӑлтӑрчӑксем» кӑларӑмӑн яваплӑ ертÿҫи Чăваш Ен наци телевиденийӗн редакторӗ Юлия Адюкова. Ăна Мария Адюковӑпа Даниил Патшин çамрăк корреспондентсем ертсе пыраççĕ. Палăртнă хастарсем пурте Аслӑ Елчӗкри Г.Н.Волков ячӗллӗ пӗтемӗшле пӗлÿ паракан вӑтам шкулта ӑс пухнӑ. Эпир, вӗрентекенсем, вӗсемпе савӑнатпӑр, малашне те пире ҫӗнӗнрен те ҫӗнĕ кăларăмсемпе савӑнтарасса шанатпăр. Пирӗн шкул ачисем ҫинчен ÿкернӗ сюжета Чӑваш Ен наци телекуравĕн эфирĕнче «Ҫӑлтӑрчӑксем» кӑларӑмра раштав уйăхĕн 28-мĕшĕнче 19:30 курма пулĕ.
