Ҫитӗнекен ҫамрӑк ӑрӑва атте-анне  чӗлхине юратма, хисеплеме хӑнӑхтарас тата пуплеве аталантарас  тӗллевпе, Аслӑ Елчӗкри Г.Н.Волков ячӗллӗ пӗтӗмӗшле пӗлÿ паракан вӑтам шкулти чӑваш чӗлхипе литературине вӗрентекен Любовь Германовна Адюкова, «Пуканесен театрӗ» кружок йӗркелерӗ. Ҫак кружока 5-мӗш класс ачисем хапӑлласах ҫÿреҫҫӗ. Кунта вӗсем тӗрлӗ енлӗ аталанма пултараҫҫӗ-ҫке. Сӑнарсене калӑпланисӗр пуҫне пуканесен кӗпе-тумтрирне те хӑйсемех ҫӗлеме хӑнӑхаҫҫӗ, декорацие те вӗрентекенпе пӗрлех хатӗрлеҫҫӗ.

    Хальхи вӑхӑтра «Пукане театрӗ» кружока ҫÿрекенсем Г.Кириллов ҫырнӑ «Йытӑпа сунарҫӑ» юмаха калӑплама пуҫланӑ. Ҫамрӑк артистсен пултарулӑхӗ кунран-кун лайӑхланса пыни куҫкӗретех. Ҫитес кунсенче юмаха калӑпласа пӗтерсен, ачасем онлайн мелӗпе ашшӗ-амӑшӗсене выляса та кӑтартӗҫ.