Эпӗ ыйтрӑм Лёньӑран:

«Ӳссен эсӗ кам пулан?»

Лёня: «Летчик пулап,- тет,-

Самолётпа вӗҫеп»,- тет.

   Аслӑ Елчӗкри Г.Н.Волков ячěллě пěтěмěшле пěлӳ паракан  вăтам  шкулти   пиллěкмěшсен паянхи класс сехечӗ Ваçлей Давыдов Анатри сӑввинчен пуҫланчӗ. Ҫӗр ҫинче темиҫе пин ытла професси. Вӗсене суйласа илме мӗн пӗчӗкренех вӗрентмелле. Класс ертÿҫи Л.Г.Адюкова тӗрлӗ профессиллӗ ҫынсем хӑйсен ӗҫӗнче еплерех ҫитӗнÿсем туса пынине палӑртрӗ. Кашни ҫын хӑйӗн ӗҫне юратса ӗҫлесен анчах  пысӑк ҫитӗнÿсем патне ҫитме пултарнине лайӑх чухларӗҫ ачасем. Кашни ача хӑйне килӗшекен профессии ҫинчен уҫӑмлӑ каласа пама пултарчӗ. «Ӗмӗтлӗ ҫын ҫунатлӑ», - теҫҫӗ халӑхра. Пирӗн те ӗмӗтсем пурнӑҫланччӗр, мал ӗмӗтлӗ пулар,- тесе пӗтӗмлетрӗҫ пиллӗкмӗш класс ачисем.