2020-мĕш çулхи пуш уйăхĕн 5-мĕшĕнче Патăрьел районĕнчи «Сăкăтри пĕтĕмĕшле пĕлӳ паракан вăтам шкул»  муниципалитетăн пĕтĕмĕшле вĕренӳ автономлă учрежденийĕнче районсем хушшинчи  чăваш чĕлхипе литературине вĕрентекенсен фестивалĕ иртрĕ. Ăна Чăваш автономи облаçне туса хунăранпа 100 çул çитнине  тата Астăвăмпа мухтав çулталăкне халалланă. Фестивале Патăрьел, Елчĕк тата Комсомольски районĕсенчи  вĕрентекенсем хутшăнчĕç.

       Фестивале хутшăнакансем тĕрлĕ секцисене пайланса ĕçлерĕç.  Аслă Елчěкри Г.Н.Волков ячěллě пĕтĕмĕшле пĕлӳ паракан вăтам шкулта чăваш чěлхипе литературине вĕрентекен Любовь Германовна Адюкова  «Буктрейлер мелěпе урокра усă курасси» ăсталăх урокĕ кăтартса, çĕнтерӳçĕ пулса тăчĕ. Фестиваль питě усăллă иртрě.