Юпа уйăхĕн 31-мĕшĕнче пирĕн ентеш -  педагогика наукисен докторĕ, академик,  ăсчах  Г.Н.Волков çуралнăранпа  92 çул çитет.  Çак куна халалласа Аслă Елчĕкри пĕтĕмĕшле пĕлỹ паракан вăтам  шкулта тĕрлĕ  мероприятисем ирттереҫҫĕ.  Паян 4-мĕш класра вĕренекен ачасем Г.Н.Волков музейне  кайса курчĕҫ.     

Музейра  ачасем Волковсен ҫемье архивĕнчи  çырăвĕсемпе паллашрĕҫ. Ачасене сĕтел çинчи чернил савăчĕпе  перо питĕ интереслентерчĕ. Вĕсем ентешĕмĕрĕн çĕршывăн тĕрлĕ  кĕтесесенче пурăнакан тусĕсен  хаклă  парнисемпе тата наука ĕçĕсемпе паллашрĕç.  Л.Н.Егоркина класс ертӳҫи ачасене Г.Н.Волковăн  ĕçĕ-хĕлĕпе, хаçатра пичетленнĕ статьясемпе  паллаштарчĕ. Калаҫура ачасем хăйсем те паллă ăсчах ҫинчен нумай пĕлни  палăрчĕ. Ҫак кунах кĕҫĕн класра вĕренекен ачасем ентешĕн калавĕсемпе тата юмахĕсемпе те паллашрĕҫ.

Ентешĕмĕр пире хамарăн тăван яла, шкула, халăх ятне çỹлти шайра  тытма хистет.