Шкул ачисене тата педагогсене Раççĕй Федерацийĕн  сумлă академикĕн Геннадий Никандрович Волковăн ĕçĕ-хĕлне тĕплĕнрех пĕлме хавхалантарас, шкул ачисен чăваш халăхĕн паллă çыннисем çинчен пĕлес туртăмне тата шырав меслечĕпе ăсталăхне ÿстерме пулăшас тĕллевпе Шупашкар хулин 62-мĕш вăтам шкулĕпе Чăваш Республикин вĕренÿ институчĕ çулсеренех «Хавхалану» пултарулăх фестивалě иртет.

      Юпа уйăхĕн 26-мĕшĕнче Шупашкарти Г.Н. Волков ячĕпе хисепленсе тăракан 62-мĕш вăтам шкулта çак фестивале хутшăннă ачасемпе педагогсен хушшинче иртнě конкурссен тĕрлĕ номинаци çĕнтерÿçисене чысларěç.   

      Призěрсен йышěнче Аслă Елчěкри Г.Н.Волков ячěллě  пěтěмěшле пěлӳ паракан  вăтам шкулти  вěренекенсемпе  вěрентекенсем пулни те савăнтарать. Г.Н.Волков  хайлавěсем  тăрăх  ӳкернě  «Чи лайăх иллюстрации» номинацире  4-мěш класра вěренекен Соколова Анастасия, (ертӳçи Соколов М.Н.) призёрсен йышне кěчě.

      Вěрентекенсен хушшинче «Чи лайăх буктрейлер» номинацинче чăваш литературине вěрентекен Любовь Германовна Адюкова  хăйěн  ăсталăхепе  палăрса, Чăваш Республикин вĕренÿ институчĕн дипломне илме тивěçлě пулчě. 4-мěш класс ертӳçи Татьяна Николаевна Ласточкина çак асăннă номинацирех хайěн кăсаклă ěçěпе Чăваш Республикин вĕренÿ институчĕн  сертификатне тивěçнě.