2017 çулхи раштав уйăхěн 27-мěшěнче Аслă Елчěкри пěтěмěшле пěлÿ паракан вăтам шкулта педагогика ăслăлăхěсен докторне, профессора, Раççей вěренÿ академийěн академикне Г.Н.Волкова асăнса унăн палăкě умěнче митинг ирттернě. Ăна, кěске сăмах каласа, шкул ертÿçи Николай Малышкин уçнă. Чăваш чěлхипе литературине вěрентекен Надежда Хушкина ачасене ăсчахăмăрăн пурнăçěпе, ěçě-хěлěпе паллаштарнă, вăл вěрентсе çырнисене тěпе хума сěннě.

Юлашкинчен пуçтарăннисем ентешěмěр палăкě умне чечексем хунă.