Чÿк уйăхĕн вĕçĕнче Аслă Елчĕкри Г.Н.Волков ячĕллĕ вăтам шкулта Г.Н.Волков çуралнăранпа 90 çул çитнине халалланă «Аталан» сăвă конкурсĕ иртрӗ. Унăн тĕллевĕ: шкул ачисен чăваш чĕлхипе литературине, культурине вĕренес кăмăлне çĕклесси, ачасен тăван чĕлхе илемне туйма вĕрентесси, пултаруллă ачасене тупса палăртасси, вĕсен пултарулăхне аталантарасси.
Конкурса вулавăш ертÿçи Любовь Адюкова ентешĕмĕре халалланă видеоролик кăтартнипе уçрĕ. Конкурс пуçланас умĕн тăваттăмĕшсем класс ертÿçи Надежда Хушкина ертсе пынипе Г. Н. Волков кун- çулĕпе паллаштарнă литмонтажа витĕмлĕн вуларĕç.
Конкурса ытларах 2-9-мĕш класс ачисем хастар хутшăнчĕç. Вун пилĕк вӗренекен хӑйсен илемлĕ вулас ӑсталӑхӗпе палăрчĕç. Ачасем пĕринчен тепри маттур пулчĕç.
Жюри членĕсем вĕсен пултарулӑхне виçĕ ӳсӗмпе хакларӗç: пӗрремӗш ӳсӗмрисем — 2-4 классем, иккӗмӗш ӳсӗмрисем — 5-7 классем, виççĕмĕш ӳсӗмрисем – 8-9 классем.
Пӗрремӗш ӳсӗмрисем хушшинче чи хастаррисем Патшина Дарья(3 кл.), Патшин Данил (4 кл.), Мурзакаева Елизавета(4 кл.), Адюкова Мария ( 4 кл.) пулчĕç.
Иккӗмӗш ӳсӗмрисем хушшинче Матвеева Александра (5кл.), Чернова София (7кл.),Лалаян Анна (7кл.), палăрчĕç
Виççĕмӗш ӳсӗмрисем хушшинче Егоркина Марина (8кл.), Мохова Дарья (9 кл.) палăрма пултарчĕç.
Çĕнтерÿçĕсене шкул директорĕ Николай Малышкин ăшшăн саламларĕ. Малашне те пултаруллă та хастар пулма, ытти конкурссенче те хутшăнса çĕнтерÿçĕ ятне çĕнсе илме вăй-хăват, ăнăçу сунчĕ.
Çĕнтерÿçĕсене Хисеп хучĕсемпе тата парнесемпе чысларĕç.