Ачасене  пĕчĕкренех  ĕçе  хăнăхтарса  илеме  курма  вĕрентесси - кашнин  тивĕçĕ. Ахальтен  мар Г.Н.Волков  та  хăйĕн  каларăшĕнче:»Ывăл-хĕрне  япала  çинчен  мар, ĕç  çинчен  шухăшлама вĕрент»,-тенĕ.Çакна  тĕпе хурса  Г.Н.Волков  ячĕллĕ  Аслă Елчĕкри  пĕтĕмĕшле  пĕлÿ  паракан  вăтам  шкулта  2017 çулхи  чÿк  уйăхĕн  22- мĕшĕнче  ашшĕ-амăшĕн  тата  ачасен  ал ăсталăх  куравĕ уçăлчĕ. Ăна  Чăваш  Енри  амăшĕпе ашшĕн  çулталăкне  тата  Г.Н.Волков  90 çул тултарнине халалланă.

 Ăстасем  тĕрлĕ  ĕç  тăратнă: çипрен  çыхнă  хатĕрсем, тĕрĕ-эреш, сăрă ĕçĕ , йывăçран  касса  тунă  кÿлепесем  куракансене  тыткăнларĕç. Шкул  администрацийĕ  чи  лайăх  ĕçсемшĕн Н.Афанасьевăна, Н.Катайкинăна, О.Агеевăна, В.Кантеевăна, З.Патшинăна, Р.Долговăна, Э.Молоствовăна  тав хучĕсем  парса  чысларĕ.