Унăн сăн ÿкерчĕкĕ хăй вĕреннĕ Аслă Елчĕк шкулĕнче иртнĕ вăрçă паттăрĕсеннипе юнашар çакăнса тăрать, тантăшĕсем салтак вилтăприне пăхсах тăраççе – тирпей-илем кÿртеççĕ, районта ăна асăнса çулсерен чăваш наци кĕрешĕвĕпе ăмăрту йĕркелеççĕ.
Хĕрлĕ Çăлтăр орден кавалерĕ Анатолий Патшин воин-интернационалист ячĕпе черетлĕ 17-мĕш ăмăрту 2017 çулхи чÿк уйăхĕн 18-мĕшĕнче иртрĕ. Регион шайĕнчи чемпионата хутшăнакансене шкул директорĕ Николай Малышкин, Чăваш Наци Конгресĕн спорт енĕпе ĕçлекен специалисчĕ Виталий Васильев саламларĕç.
Āмăрту çивĕчлĕхне 50 яхăн кĕрешÿçĕ тăхăр виçе категорийĕнче палăртрĕ. Çĕнтерÿ кавир хуçисен енче пулчĕ: вĕсем – пĕрремĕш. Çĕнтеруçĕ – командăри спортменсен кăтартăвĕсене уçăмлатма те кăмăллă: Олег Ефимов, Станислав Мисяков, Андрей Хушкин ( 1 – мĕш вырăн), Роман Яковлев, Юрий Прокопьев, Дмитрий Савуков, Петр Печков, Патшин Кирилл, Филимонов Денис (2 - мĕш вырăн), Данил Патшин (3 - мĕш вырăн). Мала тухнисене диплосемпе, медальсемпе, парнесемпе чысларĕç.