Ака уйăхĕн 20- мĕшĕнче Аслă Елчĕкри Г.Н. Волков ячĕллĕ пĕтĕмĕшле пĕлÿ паракан вăтам шкулта чăваш чĕлипе литература эрни пуçланчĕ.Чăваш чĕлхине тата литературăна вĕрентекенсем Н.З.Хушкина эрнелĕх планĕпе паллаштарчĕ, Л.Г.Адюкова вара палăртнă мероприятисенче ачасена тата хастартарах пулма сĕнсе хăварчĕ.
Эрнене кĕçен классем «Янра чăваш чĕлхи» çыравçăсем çырнă сăвăсене вуланипе уçрĕç. Ачасем сăвăсене пĕринчен тепри янăравлăрах вуларĕç. Уйрăмах итлекенсене Мария Адюкова, Данил Патшин, Дарья Патшина тата Анастасия Соколова вулани тыткăнларĕ.
Уроксем хыççăн та ачасем киле кайма васкамарĕç. Уява малалла тăсса
8 -мĕш классем Н.З. Хушкина йĕркелесе хатĕрленĕ «Г.Н.Волков пирĕн чĕрере» викторина ыйтăвĕсене пĕр пĕринпе ăмăртмалла хуравларĕç. Эрнен пĕрремĕш кунĕ Г.Н.Волкова халалласа хатĕрленĕ видеоролик курнипе вĕçленчĕ.