«Хастарлăх  çăлкуçĕ» видеосăвăсен инçет конкурсне ачасемпе çамрăксене тата аслă ăрури çынсене чăваш халăх поэчĕн пултарулăхĕпе анлăрах паллаштарас, чăваш чĕлхипе тата литературипе кăсăклантарас, вĕсен вулав пултарулăхне аталантарас тĕллевпе йĕркеленĕ.

     Эпир те Аслă Елчĕкри Г.Н. Волков ячĕллĕ вăтам шкулта вĕренекенсем шкулти вулавăшра «Хастарлăх çăлкуçĕ» видеосăвă конкурсне йĕркелесе ирттертĕмĕр.

    Çак уява вулавăш ертÿçи Любовь Адюкова, чăваш поэзин улăпĕ − Петĕр Хусанкай пурнаçĕпе тата унăн ĕçĕ-хĕлĕпе паллаштарнипе уçрĕ. Ун çинчен ятарласа хатĕрленĕ стендпа тата презентаципе паллаштарчĕ.

    Кĕçĕн класра вĕренекен ачасем сăвă вулама юратни вĕсен куçĕсенченех палăрчĕ. Хăйсем вĕреннĕ сăввисене пĕрин хыççăн тепри çĕкленÿллĕ кăмăлпа чуна кайса тивмелле вулани итлекенсене  те тыткăнларĕ.

      Чи ăста вулакансен шутне сумлă жюри çаксене палăртрĕ:  1-мĕш класри Бобина Миланăпа, Филимонова Лерăна,  2- мĕш класри Патшина Дашăпа, Соколова Настьăна тата Лебедева Кристинăна, 3-мĕш класри Адюкова Машăпа, Патшин Данила, 4- мĕш класри Матвеева Алесандрăпа, Кантеев Егора тата Мартынова Дашăна.

     Вĕрентекенсенчен вара Питакова Вера Ивановнăна çитекенни пулмарĕ.Çĕнтерÿçĕсене республика шайĕнче те малтисен йышне кĕме сунатпăр.