2016 çулхи çу уйăхĕн 28-мĕшĕнче Ĕç çынни çулталăкне халалласа Чăваш наци библиотекинче Николай Сергеевич Карлин композиторăн пултарулăх каçĕ иртнĕ.

Н.Карлин – Чăваш Республикин культурин тава тивĕçлĕ ĕçченĕ, Н.Янкас ячĕллĕ премии лауреачĕ, Раççей çыравçисен пĕрлĕхĕн членĕ. Унăн тарăн шухăшлă, илемлĕ кĕвĕллĕ юррисене республикăри тата тулашри чăвашсен пĕрлештернĕ хорĕсем шăрантараççĕ. Уйрăмшарăн юрламалли хайлавсем те пайтах. Паллах, юрă-кĕвĕ ăстин чапĕ-сумĕ Елчĕк районĕн «Чыс, мухтав сире, елчĕксем» гимнĕпе çыхăннă.

Пултаруллă композитора Елчĕк ен ентешлĕхĕн хастарĕсен Пётр Сидоров, Юрий Карпов, Александр Евтихеев, çавăн пекех Аслă Елчĕкри Г.Н.Волков ячĕллĕ вăтам шкул директорĕ Николай Малышкин саламланă.

Уявра композиторăн юррисем янăранă.