Йĕс шăнкăрав янăрарě паян

                                                                                  Сасси ун тухмě асăмран…

      2016 çулхи çу уйăхěн 23-мěшěнче Аслă Елчěкри Г.Н.Волков ячěллě пěтěмěшле пěлÿ паракан вăтам шкулта  «Юлашки шӑнкӑрав» иртрě. Вӑл Чăваш Республикин Гимнě янăранипе уçăлчě. 

     Шкул  пěтерекен 15 вӗренекене район администрацийěн вěрентÿ тата çамрăксен политикин пайěн информаципе методика центрěн директорě Вера Катюкова, шкул директорӗ Николай Малышкин, ял тăрăхěн пуҫлӑхӗ Валерий Афанасьев, Ленин ячěллě  ял-хуçалăх производсто кооперативěн ертÿçи  Валерий Падуев тата ыттисем саламларěç. Олимпиадӑсенче, викторинӑсенче, конкурссенче, спорт ăмăртăвсенче палăрнисене  дипломсемпе чысларӗç. 

     Уявра вунпěрмěшсем чи илěртÿллисем пулчěç.  Вěсенче чечексем, шарсем, хăюсем. Хăйсен уявне паян  вěсем  юрă–ташăпа пушшех те илем кÿчěç.