«Эпӗ пӗчӗкҫӗ чӑваш» ятпа ирттернӗ видесӑвӑсен конкурсра мала тухнисене палӑртнӑ. Кун пирки «Шкулта» интернет-журнал пӗлтерет. Хаклавҫӑсен йышӗ пӗчӗк мар пулнӑ — пурӗ 13 ҫын. Вӗсен ӗҫне пӗтӗмлетнӗ хыҫҫӑн мала ҫак ачасем тухнӑ:

«Чи лайӑх видео» номинацире хаклавҫӑсем Любовь Адюковӑн (Елчӗк районӗ, Аслӑ Елчӗк) ӗҫне палӑртрӗҫ.

«Чиперук» номинацие шкула пуҫламӑш классене ҫӳрекен хӗрачасем валли уйӑрнӑччӗ. Вӗсен хушшинче хаклавҫӑсем Куславкка районӗнчи Карачри тӗп шкулта пӗлӳ пухакан Елена Смирновӑна палӑртрӗҫ.  Иккӗмӗш вырӑна Мария Адюкова Елчěк районě Аслă Елчěк шкулě, виççěмěш вырăна Анастасия Фёдорова йышӑнчӗ.

«Пукан ҫинче» номинацире (кунта чи кӗҫӗннисем пулчӗҫ)

«Пукане» номинацире 4 ҫул ҫурӑран аслӑрах шкул ҫулне ҫитмен хӗрачасем тупӑшрӗҫ.

«Шӗвӗркке» номинаци «Пукане» пеккиех, анчах арҫын ачасем валли.

 «Шӑпӑрлан» номинацире пуҫламӑш класа ҫӳрекен арҫын ачасене хакларӗҫ.

«Сӑпка умӗнче» номинацие аслисем валли уйӑрнӑччӗ.

«Эпӗ пӗчӗкҫӗ чӑваш» видеосӑвӑсен конкурсӗн тулли хаклавӗпе тата Владимир Андреев сӑмахӗпе «Шкулта» интернет-журналӑн кӑҫалхи 2(20)№ паллашма пулать. Унтах кашни хутшӑнакан валли сертификатсем вырнаҫтарнӑ.

Аса илтеретпӗр, ку конкурса Чӑваш чӗлхин инҫет вӗренӳ центрӗ, «Шкулта» интернет журнал, Чӑваш халӑх сайчӗ тата ЧНК пӗрле йӗркелерӗҫ. Чи пысӑк ӗҫ «Шкул ТВ» телеканала ертсе пыракан Владимир Андреев ҫине тиенчӗ — пурӗ 800 ытла видеосӑвӑ килнӗрен унӑн кашнине пӑхса тухса пахалӑхне кирлӗ таран ҫитерме тиврӗ, видеоканала вырнаҫтарса пымалла пулчӗ. «Шкулта» журналта ҫырнӑ тӑрӑх ҫак конкурса пурӗ 1000 ытла ҫын хутшӑнма кӑмӑл тунӑ, анчах та кӑлтӑксене пула (сӑмахран, йышӑну срокӗ иртсе кайнипе) хӑшӗ-пӗрине вырнаҫтарма май килмен.