Аслă Елчĕкри пĕтĕмĕшлĕ пĕлÿ паракан вăтам шкулта ака уйăхĕн 19-26 – мĕшĕнче чăваш чĕлхи эрни пулса иртрĕ. Çак уявран никам та пăрăнса юлмарĕ.

    Ака уйăхĕн 19-мĕшĕнче 10-11 классем хушшинче «Ытарайми тăван тавралăх» сочиненисен конкурсĕ пулса иртрĕ.

Чи пултаруллине суйласа илме питĕ йывăр пулчĕ. Ачасем хăйсен сочиненийĕсенче тăван çĕр-шыва юратни, ăна упрама тăрăшни палăрчĕ. Чи лайăх сочинени вара 11-мĕш класра вĕренекен Хушкина А.Ю. пулчĕ.

5-6 класс ачисем вара ака уйăхĕн 20-мĕшĕнче чăваш юмахĕсем тăрăх ÿкерчĕксем ÿкерчĕç. Ачасем юмах паттăрĕсемпе туслă пулни палăрчĕ.

Ака уйăхĕн 22-мĕшĕнче 8-9-мĕш классем хушшинче «Камсем вĕсем пĕрремĕшсем» викторина пулса иртрĕ. Ачасем çак викторинăра хăйсен пĕлĕвĕсене уçса пачĕç.

Çавăн пекех ачасем хушшинче юмах çырма юратакансем те пур. Вĕсем те эрнере хутшăнма кăмăл турĕç. Çавна шута илсе ачасем хушшинче «Юмах каçĕ» конкурс йĕркелерĕмĕр. Мĕн тери талантлă ачасем. Чи маттуррисем 3-мĕш класра вĕренекенсем пулчĕç.

И.Я.Яковлев çуралнине халалласа кашни класра уçă класс сехечĕсем пулса иртрĕç. Унта ачасем И.Я.Яковлев ĕçĕ-хĕлĕпе, вăл çырнă калавĕсене тишкерчĕç.

Çак эрнесем пулса иртни чăваш чĕлхине упрама, юратма, хисеплесе пыма вĕрентессе шанас килет.