Вăрçă… Мĕн чухлĕ нуша илсе килмен-ши пирĕн халăха? Мĕн чухлĕ çын вилмен-ши хаяр вăрçăра? Пирĕн телейлĕ пурнăçшăн вĕсем пуçĕсене хунă.

Манăн мăн асатте 1910 çулта Аслă Елчĕк ялĕнче çуралнă. Ăна Петр Константинович Смолин тесе чĕннĕ. Шкулта кăштах кăна вĕреннĕ вăл. 1941 çулта фашистла Германи пирĕн çĕршыв çине тапăнса кĕрсен манăн мăн асатте те вăрçа тухса кайнă. Вăл пĕрремĕш çапăçăва кĕрсенех ĕмĕрлĕхех куçне хупать. Мăн асанне упăшки вилни çинчен çыру илет.

Вăрçă нихăçан та ан пултăр, çĕр çинче мир хуçалантăр.

С. Егоркин, Аслă Елчĕк шкулĕ.